Cerdd: Tan Gwmwl - Morgan Owen

08.04.2019

ychwanegwyd gan

Tan Gwmwl

 

Dyma fi, o fewn pellter gweld
ond yn wlad a bydysawd i ffwrdd.
Ddo’ i ddim yn ôl yr un fath,
nid â phalet lliwiau dinas
yn fy mhen a chyflwr y môr
yn diffodd â’i wefr hallt
bob brogarwch dwl.
Edrycha’ i ddim yr un fath
ar gregyn y capeli di-bwyll
fel cytiau cachu ochr-y-ffordd
yn gleisiau ar dirwedd farw,
na chwaith ar gewyll o dai
yn llacio eu gafael ar y llethrau,
yn eistedd ym maw cenedlaethau
na welodd erioed tu hwnt
i’w ffroenau.
Hedaf heibio’u rhwydi.

 

Edrycha’ i fyth yr un fath
ar stafelloedd hanner gwag
a’r hanner arall yn llawn pennau llwyd;
rhyw gwrdd i nodi’n tranc
am y canfed tro.
Af ar daith; gwn fod dychwelyd yn gymod;
gwn o bell mae caru gwlad.

 

Morgan Owen

 

-----

Llun: Matt Buck, Wikimedia Commons

Rhannu ar Facebook
Rhannu ar Twitter
Please reload

Cynnyrch Diweddar

22.11.2019

17.11.2019

Please reload

Dilynwch Y STAMP
  • Facebook Basic Square
  • Twitter Basic Square

Menter gydweithredol a redir yn wirfoddol yw Cylchgrawn Y Stamp, gyda'r bwriad o gynnig llwyfan i leisiau newydd a sefydledig ym mhob cyfrwng creadigol. Gwasg anibynnol newydd yw Cyhoeddiadau'r Stamp. Rydym yn gwerthfawrogi unrhyw roddion all ein gelpu i gyflawni'r nodau a osodwyd yn ein maniffesto. Os hoffech roi arian tuag at elfen benodol o'n gwaith, nodwch hynny yn eich sylwadau wrth yrru'r rhodd.

© 2019 gan Y STAMP. 

  • w-facebook
  • Twitter Clean